روسیه جمهور باشلیغی ولادیمیر پوتین، اوکراین جمهور باشلیغی ولادیمیر زیلینسکی بیلن، روسیه پایتختی مسکو شهریده اوچره‌شیش‌نی تکلیف قیلگن.
بو حقده فرانس-پرس اخبارات آژانسی، اۉز منبع‌لری معلوماتی‌گه اساس‌لنیب خبر نشر قیلدی.
دېیرلی ولادیمیر پوتین بو مساله‌نی، دوشنبه کونی ۲۷ – اسد امریکا قوشمه ایالتلری جمهور باشلیغی دونالد ترامپ بیلن، اۉتکزگن تلیفونی ملاقاتی چاغیده بیلدیرگن.
عینی حالده خبرلرگه کۉره، اوکراین جمهور باشلیغی مسکوگه باریب ولادیمیر پوتین بیلن اوچره‌شیش‌نی رد اېتگن.
ایتیش کېره‌ک که امریکا جمهور باشلیغی دونالد ترامپ، اوکراین‌ده تینچلیک تامین‌لنیشی اوچون روسیه و اوکراین دولت رهبرلری اوچره‌شیشی مهم دېب بیلدیرگن اېدی.
