بلخ ولایتی مرکزی مزارشریف شهریده تاریخ و تیلی‌میزنینگ پارلاق یۉلدوزی حضرت امیر الکلام میرعلیشیرنوایی حضرتلری نینگ هیکلی، بیوگرافیسی و شعرلری نمونه‌سی طالبان تامانیدن یۉق اېتیلیشی کینگ مناسبت‌لرگه سبب بۉلماقده و بو ییرده اوشبو مناسبت‌لردن بیر بۉلیمی سیزنینگ اختیارینگیزده قوییلگن.
جنرال عبدالملک
بلخ ولایتی مرکزی مزارشریف شهریده، حضرت امیرعلیشیر نوایی هیکلی طالبان تامانیدن بوزیلیشی‌گه نسبتن افغانستان سابق سیاسی سیمالریدن جنرال عبدالملک مناسبت بیلدیریب، بو حرکت‌نی قاره‌لدی.
جنرال عبدالملک باشچیلیگیده‌گی آزادلیک حزبی تامانیدن نشر اېتیلگن بیاناتده، حضرت نوایی خلقی‌میزنینگ پارلاق تاریخی بیلدیریلیب، نوایی میراثی بویوک‌لیگینی تاکیدلگن.
جنرال ملک بیاناتی نینگ بیر بۉلیمیده کېلیشیچه «نوایی اۉزی نینگ دانشمندلیگی و تفکری بیلن بی‌بها میراث قالدیردی. بو میراث شوندی بای‌لیک که هیچ قندی کوچ یۉق قیلالمه‌یدی.»
ایتیش کېره‌ک که حضرت نوایی نینگ هیکلی مزارشریف‌ده طالبان بلدیه خادملری تامانیدن بوزیب تشله‌گن.
بشیراحمد ته‌ینج
سابق سیاسی سیمالردن بشیر احمد ته‌ینج، طالبان تامانیدن مزارشریف شهریده، شعریت و دولت اربابی حضرت امیرعلیشیر نوایی هیکلی بوتونله‌ی یۉق اېتیلیشی‌گه نسبتن مناسبت بیلدیردی.
ته‌ینج جنابلری اۉزی نینگ فیسبوک صحیفه‌سیده یازگن بیاناتیده، بو حرکت طالبان، انسانیت فخری و ملی بارلیکلرگه دشمن بۉلگنینی کۉرسه‌تدی دېب اورغوله‌دی.
شونینگدېک افغانستان سابق سیاسی سیمالریدن بو کیشی، حضرت نوایی نینگ بویوک میراثی‌دن اېسلب اونینگ هیکلی سیندریلیشی میلیون‌لب انسان قلب‌نی سیندیرگنینی معلوم قیلدی.
ته‌ینج جنابلری نینگ یازیشیچه «هیکل یۉق اېتیلیشی مالیوی جهت‌دن اونچه‌لیک کتته خرجت اېمس و کېله‌جکده قیته تیکلش ممکن. اما بو حرکت طالبان نینگ آچیق نیت‌نی کۉرسه‌تدی.»
بشیراحمد ته‌ینج جنابلری خلق‌ارا تشکیلات‌لردن تیزلیک بو کبی حرکتلر آلدی آلینیشی اوچون سعی‌وحرکت قیلیشینی طلب قیلگن.
نثاراحمد نبی‌زاده
مزارشریف شهریده، حضرت امیرعلیشیر نوایی نینگ هیکلی طالبان تامانیدن یۉق اېتیلیشی برابریده‌گی مناسبت‌لر دوامی‌ده، سیاسی و مدنی فعاللردن نثاراحمد نبی‌زاده مویتن اۉغلو هم مناسبت بیلدیریب، بو حرکت‌نی قاره‌لدی.
نبی‌زاده اۉزی نینگ ایکس صحیفه‌سیده یازگن بیاناتیده، نوایی آتی و تفکری هیچ قچان سیندیریلمه‌یدی دېب بیلدیردی.
شونینگدېک اۉزبېک فعاللردن بو کیشی، طالبان تاریخ بیلن تارتیشووده مغلوب دېب هم اورغوله‌دی.
نقیب الله عبید
اۉزبېک فعاللردن نقیب الله عبید، طالبان تامانیدن بلخ ولایتی مرکزی مزارشریف شهریده حضرت امیرعلیشیر نوایی هیکلی یۉق اېتیلیشینی، تاریخ‌میز و مدنیت‌میز بارلیکلریگه قرشی حرمت دېب بیلدیردی.
نقیب الله عبید جنابلری نوایی منطقه مدنیتی نینگ پارلاق یولدوزی دېب، بو اولوغ سیمانینگ هیکل‌نی یۉق اېتگن شخص‌لر مدنیت‌‌سیزلیک و بیلیم و مدنیت بیلن دشمن‌لیکلرینی کۉرسه‌تدی دېب تاکیدلدی.
جاوید سنجر
بدخشان‌لیک فعال جاوید سنجر، مزارشریف شهریده نوایی هیکلی یۉق اېتیلیشینی چوقور کینه دېب اورغوله‌دی.
جاوید سنجر اۉزی نینگ اجتماعی صحیفه‌لریده یازیشیچه، بو حرکت یالغیز بیر هیکل یۉق اېتیلیشی اېمس بلکه تورک مدنیتی‌گه قرشی دشمن‌لیک‌نی کۉرسه‌تدی.
