مزارشریف شهریده تاریخ‌میز و تیلی‌میز فخری و شرق مدنیتی نینگ پارلاق یولدوزی امیر الکلام میرعلیشیر نوایی حضرتی نینگ هیکلی بوزیلیشی کینگ مقیاسده مناسبت‌لرگه سبب بۉلگن بۉلسه‌ده، بو حقده طالبان حاکمیتیدهگی اۉزبېک ییریک مقاملر، هلی هم جیم قالیب کېلماقده دیر.
اۉزبېک تی‌وی بو موضوع خصوصیده، طالبان نینگ ییریک اۉزبېک مقاملری فکرینی آلیش اوچون اولگوردی. بیراق بو مقاملر اۉزبېک تی‌وی سوراغ‌لریگه جواب قیتریش‌گه تیار بۉلمه‌دی.
اۉزبېک تی‌وی بو مساله خصوصیده انیق، طالبان باش وزیری اداری ایشلر بۉییچه اۉرین باسری مولوی عبدالسلام حنفی و لوگر ولایت حاکمی قاری صلاح الدین ایوبی نینگ اۉزلری و یقین‌لری بیلن علاقه قوردی. لیکن اولر بو حقده فکر بیلدیریش اوچون تیار بۉلمه‌دی.
ایتیش کېره‌ک که طالبان نینگ اۉزبېک مدنیتی‌گه قرشی یانده‌شوولریده، کۉپینچه بو حاکمیتده‌گی اۉزبېک مقاملرنینگ اعتبارسیزلیک تنقید آستیده آلینماقده دیر.
