طالبان سۉزلاوچیسی ذبیح الله مجاهد بوگون سه‌شنبه ۴ – سنبله، کابلده اۉتکزگن خبری بیر ییغین‌ده، افغانستان رواجلنیشی مقصدیده بۉلگن بیر ریجه تیارلنگنیدن خبر بېردی.
طالبان سۉزلاوچیسی نینگ اعلام قیلیشیچه، مذکور ریجه «یخشی حکومتدارچیلیک و خلق‌ارا مناسبت‌لر، خوفسیزلیک و عامه ترتیب همده اقتصاد و جماعه رواجلنیشی» شامل اوچ بولیم‌دن عبارت بۉلگنینی معلوم قیلدی.
دېیرلی بو ریجه طالبان تورلی اداره‌لری آرقه‌لی ایچکی منبع‌لردن فایده‌لنگن حالده عملگه آشیریلیشی معلوم قیلندی.
طالبان شوندی بیرحالده بو ریجه تیارلنگنیدن خبر بېرماقده دیر که اۉتگن تۉرت ییل دوامی‌ده، طالبان نینگ حکومتدارچیلیگی جدی تنقیدلر بیلن یوز مه یوز بۉلگن و بونگه قوشیمچه افغانستان اقتصادیاتی هم آغیر احوالده توشیب قالگن.
طالبان افغانستان نینگ آغیر اقتصادیات احوالی‌گه قره‌مسدن کۉپلب آدملرنی ایش‌دن بوشه‌تگن و خاتین-قیزلرنی اۉقیش و ایشلش حقیدن محروم سقلب کېلماقده دیر.
بوندن ایلگری بیرلشکن ملتلر تشکیلاتی و خلق‌ارا هم‌جمعیتی طالبان نینگ خاتین-قیزلرگه نسبتن یانده‌شوولری افغانستان اقتصادی اوچون میلیاردلرچه زیان کېلتیرگنینی اعلام قیلگن اېدی.
