سمرقند شهریده، اۉزبېکستان جمهور باشلیغی شوکت میرضیایف و اردن پادشاهی عبدالله ایککی ابن الحسین حضوریده، ایکی دولت یوقاری مرتبه‌لی رسمی‌لری نینگ ییغیلیشی اۉتکزیلدی.
اوشبو ییغیلیش دایره‌سیده، اۉزبېکستان و اردن مناسبت‌لری و همکارلیکلری رواجلنیشی‌گه قره‌تیلگن ۱۵ ته حجت امضالنگنی معلوم قیلیندی.
اۉزبېکستان تشقی ایشلر وزیری بختیار سعیدوف نینگ اعلام قیلیشیچه، بو حجت‌لر حکومتلر ارا کمیسیون قوریلیشی، ایش بیلرمان کېنگشی تشکیل اېتیلیشی، سودا و صناعت همکارلیکلری کینگه‌یشی، معرفت‌لی اسلام غایه‌لرینی ایلگری سوریش، مدنی، علمی و توریست‌لیک مناسبتلرنی رواجلنتیریش، ایکی مملکت پایتخت‌لری اۉرته‌سیده اوچیش‌لرنی ایش‌گه توشیریش همده بیزنس و توریزم‌نی رغبت‌لنتیریش اوچون ایکی مملکت آره‌سیده ویزا بیکار قیلینیشی مساله‌لریدن عبارت دیر.
عینی حالده، اردن پادشاهی اۉزبېکستان جمهور باشلیغی‌نی ییریک بیر دولتی مدال بیلن هم تقدیرلگن.
