هندوستان نینگ شمالی قسمی اینقسه کشمیر حدودی‌گه اۉلیملی سوو تاشقینی صادر بۉلگنی خبر قیلیندی.
بو حقده نشر اېتیلگن خبرلرگه کۉره، مذکور طبیعی حادثه نتیجه‌سیده حاضرگچه ۳۳ کیشی جان بېرگنی انیق‌لنگن.
بو واقعه قربان‌لریدن کۉپینچه‌سی «ویشنو دیوی» معبدی نینگ زیارتچی‌لری دیر که جهلم دریاسی نینگ سووی سطحی کۉتاریلیشی آرتیدن هلاکت‌گه اوچره‌گن.
ایتیش کېره‌ک که سونگی آی‌لر ایچیده هندوستان و اونینگ قوشنیسی پاکستان اۉلیملی سوو تاشقینی‌لریگه گواه بۉلیب کېلماقده دیر.
پاکستان‌ده جون آیی‌دن بیری سوو تاشقینی عاقبتیده ۸۰۰ دن آرتیق انسان قربان بۉلگنی خبر قیلینماقده دیر.
