بیرلشکن ملتلر تشکیلاتی نینگ عیاللر بۉلیمی بوگون چهارشنبه ۵ – سنبله بیر حسابات نشر قیلیب، افغانستان‌ده تۉرت ییل طالبان حاکمیتیده، خاتین-قیزلری گواهی بۉلگن احوالدن ینه بیربار خواطر بیلدیردی.
بیرلشکن ملتلر تشکیلاتی نینگ بو اداره‌سی حساباتیده، عیاللرگه نسبتن اۉن چیکلاو و باسیم ذکر اېتیلیب، بو چیکلاولر خاتین-قیزلرنی آغیر احوالده قویگنی تاکیدلنگن.
دېیرلی عیاللردن اۉقیش و ایشلش حقی آلینیشی، جنسیت‌گه اساس زوره‌وانلیکلر، عیاللر جماعهدن یۉق اېتیلیشی، سیاسی مساله‌لردن اوزاقده سقلنیشی، زوره‌وانلیکلرگه دوچ کېلگن عیاللرنی حقوقی حمایه‌لش زمینه‌لری یۉق‌لیگی شونیندېک طالبان نینگ ۳۳۰۰ امر بالمعروف خادمی تامانیدن عملگه آشیریله‌یاتکن چیکلاولر و باسیم‌لر، خاتین-قیزلر گواهی بۉلیب تورگن آغیر احواللر دېب بیان اېتیلگن.
عینی حالده، بیرلشکن ملتلر تشکیلاتی افغانستان اوچون بۉلگن انسان‌پرورلیک یاردملر آزه‌یشی و قوشنی مملکتلردن کۉپ مقیاسده مهاجرلر قیتریلیشی هم خاتین-قیزلرنی باسیم‌لر بیلن دوچ قیلگنینی اعلام قیلدی.
بیرلشکن ملتلر تشکیلاتی عیاللر بۉلیمی حساباتیده، بو چیکلاولر سبب حاضر عیاللر اۉزلرینی خوفسیز حس قیلمه‌یدی دېب بیلدیرگن.
