اروپا اتفاقی نینگ افغانستانده‌گی نماینده‌لیگی بیر بیانات نشر قیلیب، افغانستان تورلی حدودلری اینقسه کابلده سوو آزلیگی معماسی جدی بۉلگنیدن آگاه‌لنتیردی.
اروپا اتفاقی نینگ نماینده‌لیگی بوگون پنجشنبه ۶ – سنبله، ایکس صحیفه‌سیده نشر قیلگن بیاناتیده بو حقده خواطر بیلدیردی.
بو تشکیلات نینگ یازیشیچه، سوو آزلیگی اهالی ساغلیق احوالی و آزیق-آوقت خوفسیزلیگی اوستیده هم تاثیر قویگن.
شو بیلن بیرگه اروپا اتفاقی افغانستان‌ده، سوو آزلیگی و اقلیم اوزگریشی برابریده چاره کوریش مقصدیده، یاردملری دوامی‌دن ایشانچ بېریب، بو باره بیر قنچه لایحه‌لرنی عملگه آشیریب یاتکنینی معلوم قیلدی.
ایتیش کېره‌ک که سونگی ییللرده افغانستان اقلیم اوزگریشیدن جدی زیان کۉرماقده دیر. اوشبو وضعیت باعث افغانستان تورلی حدودلری اینقسه پایتخت کابلده ییر آستی سوولری قوریب بارماقده.
