اروپا قهرمان‌لر لیگه‌سی نینگ ۲۰۲۶ – ییلده‌گی بیله‌شوولری خصوصیده اۉتگن کېچه قرعه تشله‌نیب، جماعه‌لر اۉز رقیب‌لرینی تانیدی‌لر.
دېیرلی اوشبو قرعه تشلش بیلن اروپا قهرمان‌لر لیگه‌سی نینگ گروهی باسقیچی اۉیین‌لری بیلگی‌لندی. بو ییل اوشبو بیله‌شوولرده قزاقستان، آذربایجان و تورکیه بۉلمیش اوچ تورکی مملکت‌دن اوچ فوتبال جماعه‌سی اشتراک اېتماقده دیر.
غیرت آلماتی فوتبال جماعه‌سی
قزاقستان‌نینگ «غیرت آلماتی» فوتبال جماعه‌سی بو ییل اۉزی نینگ همده قزاقستان تاریخیده ایلک جماعه بۉلیب، اروپا قهرمان‌لر لیگه‌سی گروهی باسقیچ‌ده، حضور تاپماقده.
غیرت آلماتی فوتبال جماعه‌سی نینگ رکوردی شونگه خلاصه بۉلیب قالمه‌ی بلکیم قزاقستان‌نینگ مرکزی اروپا مملکتلری بیلن بۉلگن بیش مینگ کیلومترگه یقین مسافه‌سی هم تاریخی ثبت بۉلماقده. چونکه قزاقستان‌لیک بو جماعه رقیب‌لری بو مملکت میزبان‌لیگیده اۉتکزیلیشی ریجه‌لشتیریلگن اۉیین‌لرنی شونچه مسافه‌دن کېلیب اۉتکزیشی کېره‌ک دیر.
دیمک بو ییل اروپا قهرمان‌لر لیگه‌سی دایره‌سیده، قزاقستان اروپا نینگ ییریک فوتبال جماعه‌لری همده فوتبال یولدوزلریدن میزبان‌لیک قیلیشی کوتیله‌دی.
قره‌باغ فوتبال جماعه‌سی
آذربایجان نینگ قره‌باغ فوتبال جماعه‌سی تورک عالمی‌دن اروپا قهرمان‌لر لیگه‌سیده حضوری بۉلگن جماعه‌لردن ینه بیری دیر که بو ییل فوتبال عالمی‌نینگ بو قیزیقرلی همده مهم بیله‌شوولریده حضور تاپماقده.
آذربایجان‌نینگ «قره‌باغ فوتبال جماعه‌سی» مجارستان‌نینگ «فرانس‌واروش فوتبال جماعه‌سی» برابریده قۉلگه کېریتگن غلبه‌سی بیلن، اروپا قهرمان‌لر لیگه‌سی‌نینگ نوبتده‌گی موسومیگه یۉل تاپدی.
قره‌باغ فوتبال جماعه‌سی اۉز تاریخیده ایککینچی مراتبه دیر که بو بیله‌شوولرده حضور تاپماقده. بوندن ایلگری بو جماعه ۲۰۱۷ – ییل هم اروپا قهرمان‌لر لیگه‌سیگه اشتراک اېتیب کوره‌شگن اېدی.
گالاتاسرای فوتبال جماعه‌سی
اروپا قهرمان‌لر لیگه‌سی بو ییل تورکیه نینگ اینگ فخرلی جماعه‌سی بۉلمیش «گالاتاسرای فوتبال جماعه‌سی» حضوریده هم گواه دیر.
گالاتا سرای شوندی بیرحالده بو بیله‌شوولرده حضور تاپماقده دیر که حاضرگچه بو جماعه اۉز تاریخیده ۲۴ مراتبه بو بیله‌شوولرده حضور تاپکن.
یقین‌ده اعلام قیلینگن رویخط اساسیده، گالاتاسرای اروپانینگ ۲۰ – موفق جماعه‌سی و تورکیه‌نینگ اېسه اینگ کۉپ فخرلی جماعه‌سی دیر.
