روسیه خوفسیزلیک کېنگشی نینگ کاتبی سرگی شویگو یقین‌ده نشر قیلگن مقاله‌سیده، حاضر افغانستان‌ده ۲۰ ترورچی گروه فعال بۉلگنینی ادعا قیلدی.
روسیه‌لیک بو ییریک حربی مقام «روسیسکایا گازتا» گزیته‌سیده نشر قیلگن مقاله‌سیده، مذکور گروه‌لر ۲۳ مینگدن آرتیق جنگری‌گه ایگه بۉلگنینی هم اعلام قیلدی.
سرگی شویگوگه کۉره، بو رقم روسیه تیکشیرووی اساسیده قۉلگه کېلگن.
شونینگدېک روسیه خوفسیزلیک کېنگشی نینگ کاتبی، افغانستان‌ده فعال بۉلگن ترورچی گروه‌لر جمله‌سیدن، کۉپراق داعش تهدیدینی جدی بیان قیلیب، بو گروه افغانستان شمال، شمال‌شرق و شرق حدودلریده پایگاهلری بارلیگینی معلوم قیلدی.
ایتیش کېره‌ک که طالبان بو کبی گزارش‌لرنی ناتۉغری دېب اعلام قیلیب کېلماقده دیر.
