پاکستان و طالبان آره‌سیده‌گی مناسبت‌لر سونگی کونلرده یامان‌لشیب، ایکی تامان بیر بیراوی‌گه نسبتن جدی تنقیدلرنی ینه بیربار تیلگه آلماقده دیر.
سونگی کونلرده، پاکستان‌نینگ افغانستان ایریم حدودلری اینقسه ننگرهار و خوست ولایتلریده‌گی هوا هجوملریدن کېین، طالبان پاکستان ایلچیسی‌نی چقیریب، اۉز ناراضلیک مکتوب‌نی تاپشیرگن.
پاکستان باش وزیری اۉرین باسری و تشقی ایشلر وزیری محمد اسحاق‌دار، اۉتکزگن خبری بیر ییغین‌ده طالبان تشقی ایشلر وزیرلیگی بو مکتوبی اونگه ییتیب کېلگنینی تصدیق‌لدی.
شو بیلن بیرگه پاکستان تشقی ایشلر وزیری، طالبان تامانیدن «تی‌تی‌پی» گروهی قوللب-قوتلنیشینی ینه بیربار تیلگه آلدی.
عینی حالده ایریم گزارش‌لرگه کۉره، پاکستان و طالبان چیگره کوچلری آره‌سیده اۉتگن آقشم تۉقنه‌شوو هم یوز بېرگن.
ایتیش کېره‌ک که اۉتگن تۉرت ییل دوامی‌ده، طالبان و پاکستان یخشی مناسبتده بۉلسه هم بیراق، بو تۉقنه‌شوو و تارتیشوولر دوام اېتیب کېلماقده و حاضرگچه ایکی تامان قرمه-قرشی‌لیکلریگه ییچیم-یۉل تاپیش‌گه قادر بۉلگن اېمس.
