اۉزبېکستان‌ده بو مملکت‌نینگ مستقللیک کونی نشانلندی.
اۉزبېکستان مستقللیگی‌نینگ ۳۴ – ییللیگی مناسبتی بیلن اۉتکزیلگن طنطنه‌لی تدبیرده، بو مملکت دولت رهبری شوکت میرضیایف نطق سۉزلب، حکومتی‌نینگ یوتوقلری همده ایچکی و تشقی سیاستی حقیده سۉزله‌دی.
شوکت میرضیایف، حاضرده دنیا احوالینی آغیر اېکنینی بیلدیریب، شوندی شرایط‌ده اۉزبېکستان اونملی بیر سیاست قۉلگه آلیشی کېره‌ک دېب بیلدیردی.
میرضیایف‌گه کۉره، حاضر خلق‌ارا سیاست‌ده اۉزبېکستان اۉرنی کوتاریلگن.
شونینگدېک اۉزبېکستان دولت رهبری بو مملکت، مرکزی آسیا شونینگدېک دنیا باشقه مملکتلری بیلن یخشی و دوست‌لیک مناسبتده بۉلیشینی معلوم قیلیب، افغانستان حقیده سۉزله‌دی.
شوکت میرضیاف افغانستان، منطقه و دنیا خوفسیزلیگی عاملی دېب، افغانستان‌نینگ عملده‌گی حکومتی بیلن مناسبت‌لری دوامینی تاکیدلدی.
عینی حالده اۉزبېکستان جمهور باشلیغی، غزه‌ده دوام اېتیب تورگن وضعیت خصوصیده هم اۉز خواطرینی اعلام قیلیب، فلسطین اهالیسی مستقل دولت‌گه ایگه بۉلیش حقینی قوللب-قوتله‌دی.
ایتیش کېره‌ک که اۉزبېکستان‌ده شوکت میرضیایف حاکمیت‌گه کېلگندن بیری، بو مملکت‌نینگ تشقی سیاستی انچه ایجابی اوزگریش‌لرگه گواه بۉلگن.
