اسپانیا فوتبال لیگه‌سی یا ده «لالیگا»نینگ جاری موسومی اوچینچی هفته‌سیده، ریال مادرید فوتبال جماعه‌سی مایورکا فوتبال جماعه‌سی، برابریده میدان‌گه چیقدی.
مایورکا فوتبال جماعه‌سی اۉیین ۱۸ – دقیقه‌سیده ودات موریگی آٰرقه‌لی اۉریلگن گول بیلن، ریال مادریددن ایلگری بۉلدی و اوشبو نتیجه اۉیین ۳۷ – دقیقه‌سیگه قدر دوام اېتدی. بو دقیقه‌ده اېسه ریال مادرید اۉزی‌نینگ تورک یولدوزی بۉلمیش آردا گولر آرقه‌لی اۉریلگن گول بیلن مساوی قیلدی.
آره‌دن بیر دقیقه اۉتمه‌ی وینیسیوس جونیور هم ریال مادرید اوچون بیر گول اۉریش‌گه قادر بۉلدی که بو بیلن ریال مادرید غلبه تامان یۉل آلدی.
دېیرلی ۲ – ۱ نتیجه‌سی بیلن ریال مادرید منفعت‌گه یکونلگن اوشبو اۉیین‌ده، کیلیان امباپه‌نینگ ایکی گولی و آردا گولرنینگ بیر گولی، اۉیین حَکمی تامانیدن تصدیق‌لنمه‌دی.
شونینگدېک لالیگا مسابقه‌لری چارچوبه‌سیده، اۉتگن کېچه ینه اوچ مسابقه اۉتکزیلدی که اوشبو اۉیین‌لرده، سویا ۲ – ۰ خیروناگه قرشی و ریال اویدو اېسه ۱ – ۰ ریال سوسیدادگه قرشی غلبه قازاندی. اتلتیکو مادرید و آلاوس بیله‌شووی هم مساوی یکونلندی.
