چیننینگ تیانچین شهری اۉتگن کوندن بیری، دنیا بیر قنچه مملکتلری دولت رهبرلری همده خلقارا تشکیلاتلردن بۉلگن ییریک مهمانلرنی کوتیب آلماقده دیر.
شونینگدېک «شانگهای همکارلیکلر تشکیلاتی» رهبرلرینینگ نوبتدهگی ییغینیده، اشتراک اېتیش مقصدیده یوقاری مرتبهلی ایریم مهمانلر هلی هم تیانچین شهری یۉلیده دیر.
دېیرلی مذکور ییغین چارچوبهسیده کمیده ۲۰ مملکت دولت رهبرلری چینگه باریشی ریجهلشتیریلگن که بو جملهدن چین حکومتی روسیه جمهور باشلیغی ولادیمیر پوتین، تورکیه جمهور باشلیغی رجب طیب اردوغان، اۉزبېکستان جمهور باشلیغی شوکت میرضیایف، هندوستان باش وزیری نریندرا مودی، پاکستان باش وزیری شهباز شریف و شونگه اوخشش باشقه بیر قنچه دولتلر رهبرلریدن میزبانلیک قیلهدی.
شانگهای همکارلیکلر تشکیلاتینینگ بو ییغینی ایکی کونلیک بۉلیب بوگون یکشنبه ۹ – سنبله باشلنهدی و اېرتهگه دوام اېتیشی ریجهلشتیریلگن.
افغانستان هم شانگهای همکارلیکلر تشکیلاتینینگ کوزهتووچی اعضاسی دیر. بیراق حاضرگچه بو ییغینده طالبان اشتراکی ناانیق قالماقده.