امریکا قوشمه ایالتلری‌نینگ افغانستان‌ده بۉلگن حربی حضوری بوندن تۉرت ییل ایلگری، بو مملکت‌نی سونگی حربی‌سی چیقیشی بیلن یکونلنگن اېدی.
دېیرلی تۉرت ییل ایلگری ۹ – سنبله کونی جنرال کریستوفر تاد دوناهو ناملی امریکا حربی‌سی، افغانستان‌دن چیقیشی بیلن بو مملکت‌نینگ ۲۰ ییللیک حضوری یکونلندی.
امریکا قوشمه ایالتلری دوحه کېلیشووی اساسیده افغانستان‌نی ترک اېتیش‌گه قرار قیلدی. شو باعث افغانستان حاکمیتی ینه بیربار طالبان قۉلی‌گه توشیب قالدی.
امریکانینگ افغانستان‌دن چیقیشی کۉپلب تنقیدلرنی هم اۉرته‌گه آلیب کېلگن. اینقسه بو تنقیدلر امریکانینگ اۉزی‌ده هم بو تۉرت ییل دوامی‌ده، کۉپلب مراتبه تیلگه آلینگن.
طالبان امریکا حربی‌سی افغانستان‌دن چیقیشی تۉرتینچی ییللیگی مناسبتی بیلن نشر قیلگن بیاناتیده، بو کون‌نی افغانستان اوچون مهم تاریخی کونلردن بیری دېب معلوم قیلگن.
