افغانستان تاتارلری جمغرمه‌سی اعضالری آنلاین بیر ییغین اۉتکزیب، بیرلیک و بیردم‌لیکلری خصوصیده بحث قیلگن.
بو حقده اۉزبېک تی‌وی اختیاریده قوییلگن معلومات‌گه کۉره، ییغین‌ده افغانستان تورلی ولایتلریدن بۉلگن تاتار خلقی‌نینگ فعاللری اشتراک اېتیب، اۉز-ارا بیرلیک، فرهنگی فعالیت‌لر کېنگه‌یشی و جمغرمه‌نینگ سونگی یوتوق‌لری حقیده فکر المشتیریب، جمغرمه ینگی اعضالری تانیشتیرگنلر.
افغانستان تاتارلری جمغرمه‌سی، افغانستان ۱۶ ولایتیده تاتار خلقی حضوری بارلیگینی بیلدیریب، حاضر بو جمغرمه ۱۰ دن آرتیق ولایتده رسمی نمایندهلیکلری بیلن فعالیت ایلگری آلیب باره‌یاتکنی معلوم قیلینگن.
بو ییغین شوندی بیرحالده اۉتکزیلماقده دیر که یقین‌ده تاتارستان‌نینگ «کازان» شهریده، تاتارلر احوالی حقیده ییغین اۉتکزیلگن اېدی.
افغانستان تاتارلر جمغرمه‌سی رسمی‌لری اۉزبېک تی‌وی گه اعلام قیلیشیچه، بو ییغین‌ده دنیا بویلب ۴۰ دن آرتیق مملکتلرده یشاوچی تاتارلر اۉرته‌سیده مناسبت‌لر کینگه‌یشی تاکیدلنگن.
شو بیلن بیرگه تاتارستان یوقاری مرتبه‌لی رسمی‌لری، افغانستان‌ده تاتار خلقی بیلن مناسبت‌لری یخشی‌لنیشی مقصدیده، تاتارلر فرهنگی اویی قوریلیشی، افغانستان‌ده تاتارستان سرمایه یاتقیزیشی کۉپه‌یشی مذکور سرمایه کیریتیش‌لر آرقه‌لی بۉلگن افغانستانده‌گی تاتارستان اقتصادی لایحه‌لریده تاتارلر ایش‌گه آلینیشی و تاتار یاش-ییگیت‌لرگه بورسیه‌لر بېریلیشینی معلوم قیلگن.
ایتیش کېره‌ک که تاتارلر تورک خلقی‌نینگ بیر بولیمی بۉلیب، تاتارستان‌دن کېین افغانستان‌ده هم کۉپ جمعیت‌گه ایگه دیر.
