طالبان رهبری ینگی قراری اساسیده، بو حاکمیت بیر قنچه مرکزی و محلی رسمی‌لری لوازمی المشتیریلگن.
طالبان سۉزلاوچیسی ذبیح الله مجاهد تامانیدن نشر اېتیلگن معلومات اساسیده، بو حاکمیت اخبارات و مدنیت وزیری خیرالله خیرخواه، میدان وردک والیسی اوله‌راق تعیین‌لنگن و لغمان ولایت سابق والیسی شیراحمد حقانی، اخبارات و مدنیت وزیری تعیین‌لنگن.
شونینگدېک طالبان رهبری، طالبان اۉزبېک اعضالری‌دن بۉلمیش جوزجان ولایت والی اۉرین باسری مولوی نورالدین عمیر لوازمینی المشتیریب، تخارلیک بو اۉزبېک طالبان اعضاسینی ۲۰۹ الفتح قول اردوسی‌نینگ ایکینچی چیگره لواسی قومندانی تعیین قیلگن.
دیمک سابق تخار ولایت والیسی اوله‌راق فعالیت قیلگن مولوی نورالدین عمیر طالبان تامانیدن سیکین لوازملری آلینیب، چیت‌گه اۉریلماقده دیر.
طالبان رهبری ۲۰۹ الفتح قول اردوسی‌نینگ ایکینچی چیگره لواسی سابق قومندانی محمدنسیم عزت‌نی، جوزجان ولایت والیسی اۉرین باسری تعیین قیلگن.
شو بیلن بیرگه طالبان رهبری، فراه و فراه ولایتلری والی‌لری همده کابل و پکتیا ولایتلریده‌گی ایریم محلی رسمی‌لر لوازمی المشتیرگن.
