طالباننینگ جوزجان ولایتیدهگی خوفسیزلیک قومندانلیگی تامانیدن نشر اېتیلگن معلوماتگه کۉره، بو ولایتده اوغریلیکده عیبلنگن بیر شخص طالبان حربی کوچلری تامانیدن اۉلدیریلگن.
بو حقده نشر اېتیلگن معلوماتده بو شخصدن «طوفان» دېب آت توتیلگن.
طالباننینگ ادعاقیلیشیچه، طوفان ناملی شخص قورالی اوغریلیکلرگه قۉل اۉریب کېلماقده اېکن.
عینی حالده، طالباننینگ فاریاب ولایتیدهگی خوفسیزلیک قومندانلیگی هم اوغریلیکده عیبلنگن ایکی شخصنی حبسگه آلگنیدن خبر بېردی.
طالبان بو شخصلرنی، موترسایکل اوغریلش عیبلاوی بیلن حبسگه آلگن.
ایتیش کېرهک که سونگی وقتلرده، تورکستان ولایتلریده اوغریلیک واقعهلری همده طالبان تامانیدن اوغریلیک و قورال آلیب یوریشده عیبلنیب حبسگه آلینیشلر کۉپهیگن.
