خلق‌ارا یېتکیرمه‌لر طالبان ایچیده‌گی رسمی منبع‌لردن آلگن معلومات‌لریگه ته‌ینیب خبر بېریشیچه، افغانستان شرقی حدودلریده‌گی زلزله قربان‌لری رقمی خواطرلی بیرحالده کۉپه‌یگن.
آسوشیتدپرس یېتکیرمه‌سی‌نینگ گزارشی اساسیده، حاضرگچه اوشبو واقعه نتیجه‌سیده ۹۰۰ دن آرتیق کیشی جان بېرگن و کمیده ۳۰۰۰ کیشی هم یره‌لنگن.
دیمک ایکی کیچه ایلگری، افغانستان شرقی حدودلریده جایله‌شگن کنر، ننگرهار و لغمان ولایتلری زلزله‌دن جدی زیان‌لندی.
ایتیلیشیچه اوشبو زلزله ۶ درجه ریشتر کوچی‌گه ایگه بۉلیب کۉپلب قیشلاق‌لرنی ویران قیلدی.
طالبان بو واقعه قربان‌لریگه ییتیشیش اوچون سعی‌وحرکتلر باشلنگنیدن خبر بېردی. بیراق حاضرگچه هم قربان‌لر توپراق تگیده قالگنی اَیتیلماقده دیر.
