بابر یادگارلیک باغی (اندیجان)
دانالر شأن-شهرتنی ایکّینچی حیات دېییشه‌دیلر (ظهیر الدین محمد بابر ۱۴۸۳-۱۵۳۰ ییللر) تېنگی یۉق بابر بو سۉزلرنی ایتگنیده نه‌قدر حق اېدی. او اۉز کېله‌جگینی آلدیندن کۉرگندېک، جسارت کۉرستیب، اۉلمس اثرلر مېراث قالدیردی.
اندیجان، مرد ییگیتلر و افسانوی بابر-بابریلر سلاله‌سی‌نینگ اساسچی‌سی، حکمدار، سرکرده و استعداد شاعرنینگ وطنی حسابلنه‌دی. اونینگ شعریتی انسان قدر-قیمتی، محبت و پاکلیکنی ترنم اېتووچی شرق لیریکه‌سی‌نینگ اېنگ یارقین نمونه‌سیدیر. شو باعثدن، اندیجان شهرنینگ مرکزی میدانیده بابرنینگ وقار بیلن آتده اۉتیرگن هیکلی اۉرنه‌تیلدی. اندیجاندن یېتّی کیلومتر اوزاقلیکده، باغ‌شمال تېپه‌لیگیده بابر نامیده‌گی یاردگارلیک خیابانی آچیلیب، او یېرگه حکمدار وفات اېتگن آگرادن و کابلده‌گی قبریدن توپراق آلیب کېلگن.
یادگارلیک اوچون باغ‌شمال تېپه‌‌لیگی بېجز تنلمنه‌گن. ظهیر الدین محمد بابر اۉزینینگ «بابرنامه» اثریده بو تېپه‌لیکده هجره و ایوانلی گۉزه‌ل باغ سیر قیلیش و یالغیز قالیش اوچون عجایب جای بارلیگینی ایته‌دی. بابر وطنینی منگو ترک اېتیشدن اول بو یېرگه خیرلشیش اوچون کېلگن. بیر نېچه عصرلر اۉتیب ۱۹۹۳ ییلده اوشبو جایده، حکمدار دفن اېتیلگن جایدن آلینگن توپراق بیلن تۉلدیریلگن مرمر سغنه‌گه مرزی قبر اۉرنه‌تیلدی.
یادگارلیک باغی حدودیده، شونینگدېک، بابر حیاتی و ایجادیگه عاید بویوملر و نادر سکه‌لر جمع‌لنگن موزه هم برپا اېتیگلن. موزیمده نه‌فقط بابرنینگ، بلکه اونینگ شاعرلیک استعدادینی مېراث قیلیب آلگن اولادلرینینگ هم بېتکرار ادبی اثرلری‌نینگ کته تۉپلمی سقلنه‌دی. نایاب نمونه‌لر آره‌سیده دیپلماتیک حجتلر، تورلی یادکارلیک و ساوغه‌لرنی کۉریش ممکن، شو طریقه بابر و بابریلر اۉرته آسیا خانلری بیلن علاقه‌ده بۉلیشگه حرکت قیلگنلر. مخصوصاَ مشهور اربابلرنینگ حیاتی و فعالیتی حقیده معلومات بېرووچی تقدیماتلرنی کۉریشینگیز ممکن.
یادگارلیک خیابانی گۉزه‌للیگی بیلن کۉپراق باقّه اۉخشه‌یدی. حدودده کۉپلب درختلر و گللر اېکیلگن. اولردن بعضیلری جوده نایاب تورلر بۉلیب، دنیانینگ تورلی دولتلریدن بو یېرگه مخصوص آلیب کېلینگن. سیز باغ‌ِشمال تېپه‌لیگی‌نینگ چۉققیسیگه آسمه یۉل آرقه‌لی چیقیب، او یېردن شهرلر و بوتون باغ‌نینگ عجایب منظره‌سیدن بهره‌مند بۉلیشینگیر ممکن.
محتشم باغ شهرنینگ اۉزیگه خاص تشریف قاغازیگه ایلنه‌دی. بو یېرگه ظهیر الدین محمد بابر ایجادینی قدیرلاووچیلر هم، زیارتچیلر هم بویوک حکمدار خاطره‌سینی یاد اېتیش اوچون تشریف بویوره‌دیلر.
