جوزجان ولایتیده طالبان خوفسیزلیک قومندان‌لیگی اۉتگن کون، بو ولایت مرکزی شبرغان شهریده طوفان ناملی بیر شخص قورال اوغری‌لیک سبب اۉلدیریلگنینی اعلام قیلگن اېدی.
حاضر ایریم منبع‌لرنینگ اۉزبېک تی‌وی گه ایتیشیچه، طالبان تامانیدن اۉلدیریلگن بو شخص سابق حکومت حربی‌لریدن بیری اېکن.
عینی حالده افغانستان سابق حکومتی ایچکی ایشلر وزیرلیگی‌نینگ جنایت‌لرگه قرشی کوره‌ش ایشلری بۉییچه باشلیغی بسم الله تابان هم طوفان کارگر ناملی بو شخص، سابق حکومت پولیس کوچلری اعضاسیدن بیری بۉلگنینی تصدیق‌لگن.
بسم الله تابان جنابلری‌نینگ معلوماتی‌گه کۉره، سونگی کونلر ایچیده، طوفان کارگرگه قوشیمچه ینه سابق حکومت حربی‌لریدن ایکی کیشی طالبان تامانیدن اۉلدیریلیب و یۉق اېتیلگن.
سابق حکومت ایچکی ایشلر وزیرلیگی جنایت‌لرگه قرشی کوره‌ش ایشلری بۉییچه باشلیغی نینگ ادعا قیلیشیچه، طالبان سونگی کونلرده محمدکبیر اکبری ناملی سابق حربی‌نی یۉق قیلگن و حاضرگچه تقدیری بیللی اېمس.
شونینگدېک عبدالولی نعیمی ناملی باشقه بیر حربی اېسه اۉلدیریلگن.
دیمک سابق حکومت مذکور حربی‌لری ایران‌دن چیقاریلگندن کېین طالبان تامانیدن اۉلدیریلگنی ادعا قیلینماقده دیر.
