بیرلشکن ملتلر تشکیلاتی انسانپرورلیک یاردملرینی هماهنگ‌لشتیریش اداره‌سی یا ده «اوچا» افغانستان‌ده زلزله‌دن زیان کۉرگنلر اوچون ۱۰ میلیون دالر یاردم اجره‌تگن.
بو حقده بیرلشکن ملتلر تشکیلاتی باش کاتبی سۉزلاوچیسی استفان دوجاریک خبر بېردی.
شونینگدېک دوجاریک، زلزله جبردیده‌لری اوچون باشقه مملکتلر تامانیدن هم یاردملر کۉرسه‌تیلماقده‌لیگینی معلوم قیلدی.
بوندن ایلگری هم بیرلشکن ملتلر تشکیلاتی افغانستان شرقی حدودلریده یوز بېرگن زلزله‌دن زیان کۉرگنلر اوچون بیش میلیون دالر یاردم اجره‌تگن اېدی.
ایتیش کېره‌ک که افغانستان شرقی حدودلریده جایله‌شگن، کنر، ننگرهار و لغمان ولایتلریده زلزله نتیجه‌سیده مینگلرچه کیشی اۉلیب و یره‌لنگن.
