بوگون سپتمبر آیی‌نینگ ۷- سی «تازه هوا، ماوی آسمان اوچون» خلق‌ارا کونی بیلن ماس دیر.
بیرلشکن ملتلر تشکیلاتی‌نینگ باش کاتبی آنتونیو گوتریش اۉزی‌نینگ ایکس صحیفه‌سیده یازگن بیاناتیده، هوا افلاسلیگی معماسی کینگه‌ییب باره‌یاتکنیدن خواطر بیلدیردی.
آنتونیو گوتریش تامانیدن نشر اېتیلگن بیاناتده، حاضر دنیا جمعیتی جمله‌سیدن ۹۹ فایزی افلاسلنگن هوادن نفس آله‌یاتکنی معلوم قیلینگن.
بیرلشکن ملتلر تشکیلاتی‌نینگ باش کاتبی، اوشبو معما آلدی آلینیشی ممکن بۉلگنینی تاکیدلب یازیشیچه «بیز قوییده‌گی چاره‌لرنی کۉریب، افلاسلنتیرووچی ماده‌لرنی کمهیتیرالهمیز: قیته تیکلنووچی انرژی منبع‌لریگه سرمایه کېریتیش، چیقیندی‌لرنی باشقریش‌نی یخشی‌لش، اورمان‌لرنینگ کیسیلیشینی تۉخته‌تیش و ایکینچیلیک‌نی ترغیب اېتیش.»
شونینگدېک بیرلشکن ملتلر تشکیلاتی‌نینگ باش کاتبی، هوا افلاسلیگیگه قرشی تیزلیک بیلن آدیم کوتاریلیشی ضرورلیگینی هم بیلدیردی.
ایتیش کېره‌ک که سونگی ییللرده، دنیاده صناعت رواجلنیشی بیلن اقلیم اوزگریشی جدی معماگه اَیلنماقده و افغانستان بو اوزگریش‌دن زیان کۉره‌یاتکن مملکتلردن بیری دیر.
