خلق‌ارا یېتکیرمه‌لر تامانیدن بوگون یکشنبه ۱۶ – سنبله نشر اېتیلگن خبرلرگه کۉره، روسیه و اوکراین حربی کوچلری بیر بیراوی‌گه قرشی هجوم اویوشتیرگن.
بو حقده نشر اېتیلگن خبرلرنی بیلدیریشیچه، روسیه‌نینگ هجوملری اوکراین پایتختی کی‌یف شهری ایریم حدودلریده اویوشتیریلیب، بو هجوملردن بیری اوکراین کابینه‌سی بناسینی نشان‌گه آلگن.
روسیه اوکراین‌گه قرشی بو هجوملرینی ۸۰۵ راکته و اوچووچی‌سیز اوچاق بیلن عملگه آشیرگنی خصوصیده معلومات‌لر نشر اېتیلماقده دیر.
ایتیلیشیچه مذکور هجوم، اوکراین اوروشی باشلنگنیدن بیری روسیه‌نینگ اینگ ییریک هجوملری‌دن بیری حسابلنه‌دی.
عینی حالده اوکراین حربی کوچلری تامانیدن هم روسیه‌گه قرشی هجوملر اویوشتیریلگنی حقیده خبرلر نشر اېتیلماقده دیر.
ایران‌نینگ «تسنیم» اخبارات آژانسی بیر خبر نشر قیلیب ادعا قیلیشیچه، اوکراین بو هجوملریده، آذربایجان‌نینگ میگ-۲۹ اوچاق‌لریدن فایده‌لنگن.
حاضرگچه بو مساله آذربایجان حکومتی تامانیدن تصدیق‌لنگن اېمس.
