بیرلشکن ملتلر تشکیلاتی‌نینگ عیاللر بولیمی بیر حسابات نشر قیلیب، افغانستان‌ده خاتین-قیزلر گواهی بۉلیب تورگن احوال اینقسه ساغلیق خذمت‌لریدن محروم قالیش‌لریدن خواطر بیلدیرگن.
بو تشکیلات تامانیدن بوگون یکشنبه ۱۶ – سنبله نشر اېتیلگن حسابات‌گه کۉره، حاضر افغانستان‌ده عیاللر ساغلیق خذمت‌لریگه ییترلیچه قۉل تاپیش‌گه قادر اېمس. شو باعث عیاللر قربان بۉلماقده دیر.
بیرلشکن ملتلر تشکیلاتی عیاللر بۉلیمی، افغانستان خاتین-قیزلری گواهی بۉلیب تورگن اوشبو وضعیت، طالبان چیکلاولری سبب اۉرته‌گه کېلگنینی بیلدیردی.
بو تشکیلات‌نینگ تاکیدلشیچه، قیزلر طبی بۉلیملرده اۉقیشی تقیق‌لنیشی، عیاللر محرم‌سیز سفر قیلالمس‌لیگی، ایریم ولایتلرده ایرکک شفاکارلر تامانیدن عیاللر کۉریلمس‌لیگی، خاتین-قیزلر اوی‌ده قمه‌لیب قالیشی و قیزلر کیچیک یاش‌ده تورموشگه چیقاریلیشی، عیاللرنی آغیر احوال بیلن یوز مه یوز قیلگن.
شونینگدېک بو حسابات‌ده، اېسلب اوتیلگن چیکلاولر و آغیر احوال، عیاللر اۉلیمی‌گه هم سبب بۉلگنی بیلدیریلگن.
