تلگراف گزیته‌سی یقینده بیر گزارش نشر قیلیب اعلام قیلیشیچه، پاکستان‌ده مخدره ماده‌لرنی ایشلب چیقاریلیشی افغانستان‌گه نسبتن کۉپه‌یگن.
بو گزارش اساسیده، حاضر پاکستان دنیا بویلب مملکتلر آره‌سیده اینگ کۉپ مخدره ماده ایشلب چیقاریله‌یاتکن مملکت دیر.
ایتیلیشیچه، پاکستان‌ده مخدره ماده‌لر ایشلب چیقاریلیب، قاچاق اېتیلیشی‌دن ترورچی گروه‌لر عاید آله‌دی.
دیمک بوندن ایلگری دنیانینگ اینگ کۉپ مخدره ماده‌سی افغانستان‌ده ایشلب چیقاریلیشی معلوم قیلینگن اېدی.
افغانستان‌ده سابق حکومت دوریده، کۉپینچه ناتینچ حدودلر اینقسه طالبان حاکمیتیده بۉلگن حدودلرده، مخدره ماده‌لر ایشلب چیقاریلیب، چیتایل مملکتلرگه قاچاق اېتیله‌یدی.
طالبان حاکمیت‌گه قیتگنیدن بیری مخدره ماده‌لرنی ایشلب چیقاریش‌نی تقیق‌لگن. بیراق شوندی بۉلسه هم مملکتلر افغانستان‌دن مخدره ماده‌لر قاچاق اېتیلیشی اینقسه صناعتی مخدره ماده‌لر قاچاقی کۉپه‌یگنیدن خواطر بیلدیرگن.
