طالبان عامه منفعت‌لر وزیرلیگی تامانیدن نشر اېتیلگن معلومات اساسیده، اۉتگن بیر هفته دوامی‌ده، مملکت تیمیر یۉللری آرقه‌لی ۱۰۰ مینگ متریک تُن‌گه یقین یوک تاشیلگن.
عامه منفعت‌لر تامانیدن نشر اېتیلگن معلومات‌لرنی بیلدیریشیچه، اوشبو حجمده‌‌گی یوک سنبله آیی‌نینگ ۷-نچی‌سیدن ۱۳ – نچی کونلریگچه تاشیلگن.
بو مدت ایچیده حیرتان چیگره‌سیدن (۶۹۵۱۶) تُن، آقینه چیگره‌سیدن (۵۸۰۶) تُن، تورغندی چیگره‌سیدن (۱۱۴۲۹) تُن و خواف–هرات تیمیر یۉلی آرقه‌لی (۱۳۱۷۶) تُن، یوک تاشیلگن.
اوشبو مدت ایچیده افغانستان تیمیر-یۉللری آرقه‌لی تاشیلگن یوک‌لردن، یالغیز ۵۳۳ تُن افغانستان‌نینگ صادرات توارلری و قالگنی اېسه واردات توارلر اېکن.
ایتیش کېره‌ک که سونگی ییللرده، افغانستان سوداگرلیک توارلرنی تاشیش اوچون کۉپراق تیمیر-یۉللردن فایده‌لنیشگه اولگورماقده دیر.
