بیرلشکن ملتلر تشکیلاتی انسان حقلری کېنگشی‌نینگ ۶۰ – دور ییغینی اۉتکزیلیب، افغانستان‌ده دوام اېتیب تورگن انسان حقلری احوالی تیکشیریلدی.
بو ییغین‌ده بیرلشکن ملتلر تشکیلاتی‌نینگ افغانستان انسان حقلری بۉییچه مخصوص گزارشگری ریچارد بنت، بیر حسابات نشر قیلیب، انسان حقلری احوالی اینقسه خاتین-قیزلرگه نسبتن چیکلاولر جدیلشگنیدن خواطر بیلدیردی.
ریچارد بنت‌نینگ تکلیفیگه کۉره، افغانستان‌ده دوام اېتیب تورگن انسان حقلری احوالی، خاص بیر جریان آرقه‌لی تیکشیریلیشی کېره‌ک دیر.
شونینگدېک بنت بو تیکشیروو اساسیده، افغانستان‌ده انسان حقلری بوزیلیشی‌گه سبب بۉلگن شخص‌لر تانیشتیریلیشی کېره‌ک‌لیگینی سۉره‌شدی.
بونگه قوشیمچه، مذکور ییغین‌ده بیرلشکن ملتلر تشکیلاتی‌نینگ انسان حقلری عالی کمیشنری و باشقه بیر قنچه مملکت وکیللری هم نطق سۉزلب افغانستان احوالی‌دن خواطر بیلدیردی‌لر.
اولرنینگ تاکیدلشیچه، افغانستان‌ده وضعیت دوام اېتکن تقدیرده، بشریت‌گه قرشی جنایت صادر بۉلیشی ممکن دیر.
