حال‌وش انسان حقلری تشکیلاتی تامانیدن دوشنبه کونی ۱۷ – سنبله نشر اېتیلگن گزارش اساسیده، ایران چیگره کوچلری افغانستان‌لیک مهاجرلرنی اۉققه توتکن.
بو تشکیلات‌نینگ یازیشیچه، ایلگری‌دن آگاه‌لنتیریلمه‌ی عملگه آشیریلگن بو آتیشمه نتیجه‌سیده، بیش مهاجر جان بېریب و ینه آلتی‌ته اېسه یره‌لنگن.
یره‌لنگن مهاجرلر ایچیده اوچ کیشی‌نینگ احوالی آغیر بۉلگنی هم معلوم قیلینماقده دیر.
حال‌وش تشکیلاتی ایران چیگره کوچلری بو آتیشمه‌دن کېین کمیده ۴۰ مهاجرنی هم حبسگه آلگن دېب، خبر بېردی.
ایتیش کېره‌ک که بوندن ایلگری هم، ایران چیگره کوچلری آتیشمه‌لری عاقبتیده، کۉپلب افغانستان‌لیک مهاجرلر جان بېرگن.
