فراه ولایتیده طالبان محلی رسمیلرینینگ اعلام قیلیشیچه، بو ولایتده یوز بېرگن پارتلش نتیجهسیده ۸ کیشی جان بېردی.
فراه ولایتی بالابلوک تومنیده یوز بېرگن اوشبو واقعهده، بیر ایرکک و بیر عیال، تۉرت اۉغلی و ایکی قیزی بیلن بیرگه جان بېرگنلر.
واقعه ملنگ جان ناملی شخصنی اوییده سقلنیب کېلهیاتکن پارتلش مادهلری پارتلهگنی عاقبتیده یوز بېرگنی اعلام قیلیندی.
اوشبو واقعهدن نشر اېتیلگن صورتلرده، پارتلش یوز بېرگن اوی بوتونلهی ویران بۉلگنی کۉرینهدی.
حاضرگچه بو شخص نیمه مقصدیده پارتلش مادهلرینی سقلنیب کېلهیاتکنی انیق بیللی اېمس.
ایتیش کېرهک که بوندن ایلگری هم، افغانستان تورلی حدودلریده اوروشلردن قالگن پارتلش مادهلر پارتلهگنی اهالیدن قربانلیک آلگن دیر.
