کابل غربی قسمی‌ده جایله‌شگن علی‌جناح کسلخانه‌سی‌نینگ امکانیت‌لری طالبان تامانیدن بو شهرنینگ شرقی حدودلریده‌گی کسلخانهلرگه تاشیلشی اهالی ناراضلیگینی اۉرته‌گه کېلتیرگن.
اۉزبېک تی‌وی اختیاریده قرار تاپکن مکتوب اساسیده، کابل غربی قسمی اهالیسی بیر عریضه یازیب، طالبان‌دن مذکور کسخانه امکانیت‌لری تاشیلمس‌لیگینی سۉره‌گن.
شونینگدېک سابق حکومت ایچکی ایشلر وزیرلیگی‌نینگ جنایت‌لرگه قرشی کوره‌ش بۉییچه باشلیغی بسم الله تابان هم اۉزی‌نینگ ایکس صحیفه‌سیده نشر قیلگن بیاناتیده، بو مساله‌نی اعلام قیلگن.
ایتیلیشیچه کۉپینچه هزاره‌لر یشاوچی کابل غربی قسمی‌دن طبی امکانیت‌لر، پشتون‌لر یشاوچی شرقی حدودلرگه انتقال بېریلماقده دیر.
طالبان حاضرگچه بو مساله خصوصیده بیران تفصیلات بېرگن اېمس.
دیمک طالبان بو کسلخانه امکانیت‌لرینی نیمه مقصد بیلن انتقال بېریشی هم انیق بیللی اېمس دیر.
