طالبان صناعت و سوداگرلیک وزیرلیگی تامانیدن نشر اېتیلگن معلومات‌گه کۉره، کابلده قزاقستان و افغانستان‌ارا سوداگرلیک ییغینی اۉتکزیلگن.
بو حقده نشر اېتیلگن بیانات بیلدیریشیچه، طالبان صناعت و سوداگرلیک وزیری نورالدین عزیزی، کابلده قزاقستان ایلچیسی گزیز اکباسوف و اۉنلب سوداگر حضوریده اۉتکزیلگن اوشبو ییغین دایره‌سیده، افغانستان و قزاقستان کمپنیه‌لری اۉرته‌سیده ۱۳۳ میلیون دالر ارزشی‌گه شرطنامه امضالنگن.
اوشبو شرطنامه‌لر اساسیده، افغانستان قزاقستان‌دن ۶۰۰ مینگ تُن آزیق-آوقت محصولاتلری جمله‌دن یاغ، بوغدای و اون ساتیب آله‌دی.
شونینگدېک بو ییغین‌ده، قزاقستان و افغانستان‌ارا سوداگرلیک علاقهلر کوچهیشی تاکیدلنگنینی هم معلوم قیلدی، طالبان صناعت و سوداگرلیک وزیرلیگی اۉز بیاناتیده.
ایتیش کېره‌ک که قزاقستان حاضرگچه، طالبان‌نی رسمیت‌گه تَن آلمهگن. بیراق شوندی بۉلسه هم بو حاکمیت بیلن اقتصادی مناسبت‌لرینی کوچه‌یتیریشگه اولگورماقده دیر.
