تورکیه مدافعه وزیرلیگی بیر بیانات نشر قیلیب اعلام قیلیشیچه، بو مملکت‌نینگ سوریه‌ده‌گی حربی امکانیت‌لریگه قرشی اسراییل تامانیدن هیچ قنده‌ی هجوم اویوشتیریلگن اېمس.
تورکیه یېتکیرمه‌لری گزارشی‌گه کۉره، تورکیه مدافعه وزیرلیگی، سوریه‌ده بو مملکت حربی امکانیت‌لری و حضوری برابریده هیچ قنده‌ی ناقوله‌ی وضعیت یۉق‌لیگینی بیلدیریب، بو خصوصده نشر اېتیلگن خبرلرنی رد قیلگن.
شونینگدېک تورکیه مدافعه وزیرلیگی، تورکیه حربی‌لری سوریه‌ده بو مملکت طلبی همده خلق‌ارا قاعده‌لر اساسیده حضوری بار دېب معلوم قیلدی.
بو مساله شوندی بیرحالده دیر که سونگی کونلر ایچیده، تورکیه‌نینگ سوریه‌ده‌گی حربی پایگاه‌لریگه قرشی اسراییل تامانیدن هجوملر اویوشتیریلگنی خصوصیده خبرلر نشر اېتیلگن اېدی.
