شانگهای همکارلیکلر تشکیلاتی‌گه اعضا مملکتلر وکیللری، بوگون پنجشنبه ۲۰ – سنبله، تاجکستان پایتختی دوشنبه شهریده، افغانستان خصوصیده ییغین اۉتکزگن.
ایران تشقی ایشلر وزیرلیگی‌نینگ رسمی‌لریدن رضا بهرامی، اۉزی‌نینگ ایکس صحیفه‌سیده یازگن بیاناتیده، بو حقده خبر بېردی.
اوشبو ییغین‌ده، افغانستان‌ده دوام اېتیب تورگن وضعیت و شانگهای تشکیلاتی اعضالری‌نینگ افغانستان‌گه نسبتن یانده‌شووی یوزه‌سیدن فکر المشتیریلگن.
دیمک بوندن ایلگری، شانگهای همکارلیکلر تشکیلاتی اوشبو ییغینی‌ده، افغانستاندن بۉلگن خوفسیزلیک خواطرلر حقیده هم فکر المشتیریلیشی معلوم قیلگن اېدی.
شانگهای تشکیلاتی‌گه اعضا کۉپلب مملکتلر، طالبان بیلن یخشی مناسبت‌ده دیر. بیراق شوندی بۉلسه هم اۉتگن تۉرت ییل دوامی‌ده بو مملکتلر، افغانستاندن بۉلگن ترورچیلیک تهدیدلری همده مخدره ماده‌لر قاچاق اېتیلیشی‌دن خواطر بیلدیرگن.
