آلمان اخبارات منبعلرینینگ خبرلریگه کۉره، بو مملکت تامانیدن بیر هیات، طالبان بیلن سۉزلشوو اۉتکزیش مقصدیده، کابل‌گه سفر قیله‌دی.
آلمان ایچکی ایشلر وزیری الکساندر دوبرینت «آر،تی‌ایل» بیلن اۉتکزگن صحبت‌لریده بو خصوصده ایتیشیچه، مذکور هیات آلمان‌دن افغانستان‌لیک مهاجرلر چیقاریلیشی مساله‌سی بۉییچه، طالبان بیلن مذاکره ایلگری آلیب باره‌دی.
ایتیلیشیچه آلمان و طالبان سۉزلشوولری، قطر مملکتی‌نینگ واسطه‌چیلیگی بیلن عملگه آشیریلماقده دیر.
آلمان حکومتی بو بیلن، مذکور مملکتده جنایت‌لرگه قۉل اۉرگن افغانستان‌لیکلرنی چیقاریش جریانینی تیزلشتیریش اوچون اولگورماقده.
بوندن ایلگری هم طالبان و آلمان اۉرته‌سیده شو توغریده مناسبت‌لر اۉرنه‌تیلگنی خبر قیلنگن اېدی.
اوشبو سۉزلشوولر دایره‌سیده حاضرگچه اۉنلرچه افغانستان‌لیک مهاجر آلمان‌دن چیقاریلیب، مملکت‌گه قیتریلگن.
