بیرلشکن ملتلر تشکیلاتی‌نینگ خوفسیزلیک کېنگشی، بو کېنگش تامانیدن افغانستان خصوصیده ییغین اۉتکزیلیشینی اعلام قیلدی.
بو حقده بیرلشکن ملتلر تشکیلاتی خوفسیزلیک کېنگشی تامانیدن نشر اېتیلگن بیانات‌گه کۉره، مذکور ییغین اېرته چهارشنبه کونی سنبله آیی‌نینگ ۲۶ – سی، نیویارک وقتی بیلن توش‌دن ایلگری ساعت ۱۰:۰۰ ده باشلنه‌دی.
مذکور ییغین‌ده، افغانستان‌نینگ سونگی اوچ آی دوامی‌ده‌گی وضعیتی تیکشیریلیب، بو خصوصده بیرلشکن ملتلر تشکیلاتی باش کاتبی‌نینگ مخصوص وکیلی رزا اوتنبایوا تامانیدن تیارلنگن گزارش هم ارایه اېتیله‌دی.
دیمک بو اوتنبایوانینگ افغانستان خصوصیده اینگ سونگی گزارشی دیر که اېرته خوفسیزلیک کېنگشی اعضالری بیلن شریک اېتیله‌دی.
قرغیزستان‌لیک بو کیشی‌نینگ افغانستان‌ده‌گی ماموریتی جاری آی اداغی‌گه قدر یکونلنهدی
