طالبان رهبریتی تامانیدن آلینگن ینگی قرار اساسیده، افغانستان ایریم ولایتلریده «نوری فایبر» یا ده وای فای کیبللری آرقه‌لی انترنت ترقه‌تیش تقیق‌لنگن.
طالبان رهبریتی‌نینگ اوشبو قراری بیرینچی بۉلیب بلخ ولایتیده عملگه آشیریلیب، بو ولایتده وای فای انترنت کېسیب قۉییلدی. بلخ‌دن کېین قندهار شامل باشقه بیش ولایتده هم بو قرار عملگه آشیریلگنی خصوصیده خبر بېریلگن.
ایکی کون ایچیده، کمیده بیش ولایتده بو قرار عملگه آشیریلیشی، افغانستان تورلی ولایتلری و حدودلری اهالیسی آره‌سیده، اهالی انترنت‌دن قۉللری اوزولیشی خصوصیده‌گی خواطرلر یره‌تیلگن.
اۉتگن کون‌دن بیری کۉپلب کیشی‌لر اجتماعی صحیفه‌لرده، بو خصوصده مناسبت بیلدیریب، طالبان بو قرارینی تنقید قیلدی‌لر و بو تنقیدلر اېسه دوام اېتماقده دیر.
عینی حالده ایریم خبرلرگه کۉره، طالبان بو قراری بو حاکمیت ایچیده هم ناراضلیکلرگه سبب بۉلگن.
طالبان بیر قنچه وزیرلیکلری‌دن تشکیل اېتیلگن بیر هیات، قندهارگه سفر قیلیب، طالبان رهبری‌گه بو حقده‌گی قرشی‌لیکلرینی شریک قیلگن.
طالبان اوشبو قرار، اهالی آره‌سیده منکرات آلدی آلینیشی مقصدیده قۉلگه آلینگنینی بیلدیرگن.
