فوتبال عالمی‌ده اینگ قیزیق لیگه‌لردن بۉلمیش «اروپا قهرمان‌لر لیگه‌سی»نینگ جاری موسومی بو کېچه تورلی جماعه‌لر اۉرته‌سیده اۉتکزیلگن، آلتی بیله‌شوو بیلن باشلندی.
اروپا قهرمان‌لر لیگه‌سی‌نینگ جاری موسومی ایلک کېچه‌سیده، اۉیین دوامی‌ده دنی کارواخال قیزیق کارت آلیشی بیلن اۉن کیشی‌لیک اۉیین‌گه دوام بېرگن ریال مادرید، کلیان امباپه آرقه‌لی پنالتی‌دن اۉریلگن ایکی گول بیلن، فرانسه‌نینگ مارسی جماعه‌سی برابریده، میدان‌دن غالب چیقدی.
اوشبو اۉیین‌ده، مارسی فوتبال جماعه‌سی هم ریال مادریدنینگ اویی‌ده، بو جماعه‌گه قرشی بیر گول اوریشگه قادر بۉلدی که نهایت نتیجه ۲ – ۱ حسابی بیلن ریال مادرید منفعت‌گه یکونلندی.
اروپا قهرمان‌لر لیگه‌سیده، مذکور لیگه‌ده بیرینچی حضوری و ایلک اۉیین‌نی تجربه قیلگن آذربایجان‌نینگ «قره‌باغ» جماعه‌سی هم کوچلی میدان‌گه چیقیب، اۉزی‌دن یخشی اۉیین نمایش اېتدی.
آذربایجان وکیلی کوتیلمه‌گن بیر نتیجه‌ده ۳ – ۲ حسابی بیلن پرتگال‌نینگ «بنفیکا» جماعه‌سی برابریده غلبه قازاندی.
شونینگدېک اروپا قهرمان‌لر لیگه‌سی نینگ باشقه مهم اۉیین‌لریده، یوونتوس و دورتموند تۉرت تۉرت مساوی قیلدی. تاتنهام بیر گول بیلن ویاریال برابریده غلبه قازاندی.
مذکور لیگه‌نینگ بو کېچه اۉتکزیلگن باشقه اۉیین‌لریده هم، آرسنال ۲ – ۰ حسابی‌ده اتلتیک بیلبائونی و سن ژیلوا اېسه ۳ – ۱ حسابی‌ده پی‌اس‌وی آیندهوون‌نی مغلوب قیلدی.
