طالبان‌نینگ افغانستان‌ده نوری فایبر آرقه‌لی بۉلگن انترنت‌لرگه یره‌تیب تورگن چیکلاولری دوامی‌ده، بو چیکلاولر بدخشان، تخار، قندوز و بغلان ولایتلریده هم عملگه آشیریلگنی تصدیق‌لندی.
ایتیلیشیچه مذکور ولایتلرده، وای فای کمپنیه‌لری‌گه طالبان تامانیدن بوندن کېین فعالیت‌لرینی تۉخته‌تیشلری بۉییچه بویروغ بېریلگن.
طالبان اوشبو قرارنی، اهالی آره‌سیده منکرات آلدی آلینیشی مقصدیده قۉلگه آلگنینی اعلام قیلدی.
طالبان رهبری‌نینگ قراری اساسیده، بو چیکلاو بوندن ایلگری بلخ، قندهار، نیمروز، زابل و ارزگان ولایتلریده هم عملگه آشیریلگن اېدی.
طالبان‌نینگ اوشبو قراری کۉپلب تنقیدلرگه هم سبب بۉلماقده دیر.
مملکت تورلی ولایتلری اهالیسی اجتماعی صحیفه‌لرده یازگن بیاناتلریده، طالبان بو قراری‌دن ناراضلیک بیلدیرگن.
شونینگدېک طالبان رهبری‌نینگ بو قراری، بو حاکمیت‌ده ایچکی ناراضلیکلرگه هم سبب بۉلگن و طالبان ایریم اعضالری بو خصوصده اۉز ناراضلیکلرینی طالبان رهبری بیلن شریک قیلگن.
