طالبان صناعت و سودا وزیرلیگی بیر بیانات نشر قیلیب اعلام قیلیشیچه، بو وزیرلیک رهبریتی بیلن ایراننینگ صناعت، کانلر و سودا وزیری سیدمحمد اتابک باشچیلیگیده بۉلگن هیات اۉرتهسیده، ییغیلیش اۉتکزیلگن.
بو حقده نشر اېتیلگن بیاناتگه کۉره، ییغیلیشده افغانستان و ایران اۉرتهسیدهگی ییللیک سودا حجمینی ۱۰ میلیارد دالرگچه ییتکزیش یۉللری محاکمه قیلینگن.
طالبان و ایران رسمیلری، بو مقصدگه ایریشیش اوچون سودا و ترانزیت ساحهلریدهگی معمالر حل اېتیلیشی ضرورلیگینی تاکیدلدیلر.
شونینگدېک افغانستان و ایران اۉرتهسیدهگی چیگرهلرده قولهیلیکلرنی آشیریش همده چابهار و بندرعباس کبی چیگرهلردن، افغانستان کۉپراق فایدهلنیشی اوچون زمینه یرهتیلیشی علیحده تاکیدلنگن.
