بیرلشکن ملتلر تشکیلاتی‌نینگ خوفسیزلیک کېنگشی بو کېچه چهارشنبه ۲۶ – سنبله، بیر ییغین اۉتکزیب افغانستان‌ده دوام اېتیب تورگن وضعیت اینقسه، انسان حقلری احوالی، مهاجرلر قیتیشی و افغانستان‌دن بۉلگن ترورچیلیک تهدیدلرینی تیکشیردی.
بیرلشکن ملتلر تشکیلاتی باش کاتبی‌نینگ افغانستانده‌گی مخصوص وکیلی رزا اوتنبایوا تامانیدن افغانستان وضعیتی‌گه قره‌تیلگن بیر حسابات ارایه اېتیلگن اوشبو ییغین‌ده، دنیا تورلی مملکتلری افغانستان وضعیتی اینقسه طالبان بیلن یانده‌شوولری خصوصیده فکرلر بیلدیردی‌لر.
خوفسیزلیک کېنگشی ییغینی‌ده اظهار اېتیلگن نطق‌لرگه کۉره، دنیا مملکتلری اینقسه دنیانینگ تاثیرلی مملکتلری آره‌سیده، افغانستان و طالبان‌گه نسبتن یانده‌شووده هلی هم کېلیشماوچیلیکلر کوچلی موجود دیر.
اساسی کېلیشماوچیلیکلر نیمه دیر؟
بیرلشکن ملتلر تشکیلاتی خوفسیزلیک کېنگشی‌نینگ ییغینی و بو ییغین‌ده بۉلگن صحبت‌لر ینه بیربار، مملکتلر اینقسه خوفسیزلیک کېنگشی‌نینگ دایمی اعضالری بۉلمیش «امریکا، روسیه، چین، فرانسه و بریتانیا» اۉرته‌سیده، افغانستان مساله‌سی خصوصیده کوچلی کېلیشماوچیلیکلر بارلیگینی بیلدیردی.
دنیا مملکتلری‌نینگ اساسی کېلیشماوچیلیکلری بو طالبان بیلن قنده‌ی یانده‌شووده بۉلیشلری دیر.
ایریم مملکتلر جمله‌دن ایران، چین و روسیه طالبان بیلن مناسبت‌لر یخشی‌لنیشینی تکلیف قیلگن بۉلسه‌ده، باشقه تاماندن امریکا، فرانسه و دنمارک کبی باشقه بیر قنچه مملکتلر افغانستان‌ده انسان حقلری احوالی آغیرلیگینی بیان قیلیب، بو خصوصده طالبان جوابگرلیککه تارتیلیشینی تاکیدلدی‌لر.
شونینگدېک خوفسیزلیک کېنگشی‌نینگ ییغینی‌ده، چین وکیلی گنگ شوانگ امریکانینگ طالبان‌گه نسبتن سیاستی اینقسه امریکا تامانیدن طالبان رسمی‌لری سفری اوچون رخصت بېریلمس‌لیگیدن قیلگن تنقیدی، دنیا کوچلی مملکتلری اۉرته‌سیده‌گی کېلیشماوچیلیکلر کوچلی بۉلگنینی بیلدیردی.
طالبان‌دن بۉلگن ناراضلیکلر مشترک دیر
دنیا مملکتلری طالبان‌گه نسبتن سیاست‌لری و یانده‌شوولری خصوصیده بیر قرارگه کېلیشگن بۉلمسه‌ده بیراق بوتون دنیا مملکتلری، طالبان‌دن مشترک ناراضلیکلری و خواطرلری بار دیر.
طالبان‌نینگ تۉرت ییللیک حاکمیتیده، بو گروه‌دن بۉلگن اساسی تنقیدلر و ناراضلیکلر انسان حقلری آغیر احوالی، کینگ قمراولی حکومت تشکیل اېتیلمه‌گنی همده ترورچیلیککه قرشی کوره‌ش بۉییچه طالبان تامانیدن قانقرلی آدیم کوتاریلمه‌گنیدن عبارت دیر.
بیرلشکن ملتلر تشکیلاتی خوفسیزلیک کېنگشی ییغینی‌ده، یوقاری‌ده اېسلب اوتیلگن مساله‌لر خصوصیده قریب ییغین برچه اشتراکچیلری جمله‌دن طالبان بیلن یخشی مناسبتده بۉلگن، روسیه و پاکستان کبی مملکتلر تامانیدن هم تیلگه آلیندی.
روسیه وکیلی واسیلی نبنزیانینگ تاکیدلشیچه، طالبان داعش گروهی‌گه قرشی کوره‌ش اوچون ییترلیچه فعالیت قیلمه‌گن. شونینگدېک روسیه وکیلی افغانستان‌ده کینگ قمراوملی حکومت برقرار اېتیلیشی و انسان حقلری نظرگه توتیلیشینی هم تاکید قیلدی.
روسیه وکیلی شوندی بیرحالده بو تنقیدلرنی تیلگه آلماقده که بو مملکت دنیاده طالبان‌نی رسمیت‌گه تَن آلگن یالغیز مملکت دیر.
خودی شوندی باشقه مملکتلر هم اېسلب اوتیلگن مساله‌لر خصوصیده طالبان‌دن تنقید قیلدی. فرانسه وکیلی‌گه کۉره، تۉرت ییل دوامی‌ده افغانستان احوالی آغیرلشگن و پاکستان وکیلی معلوماتی اساسیده، حاضر افغانستان ترورچی گروه‌لرنینگ ۶۰ یاشیرین مکان‌لریدن میزبان‌لیک قیلماقده.
