افغانستان بیر قنچه ولایتلریده طالبان تامانیدن وای فای انترنت کېسیب قۉییلیشی برابریده‌گی تنقیدلر دوامی‌ده، افغانستان انسان حقلری فعاللری بیرلشمه‌سی هم بیر بیانات نشر قیلیب، طالبان بو قرارینی قاره‌لدی.
اوشبو بیرلشمه تامانیدن نشر اېتیلگن بیاناتده، طالبان بو قراری میلیون‌لب انسان‌نی قرانغوده سقلش اوچون اولگوریش دېب بیلدیریلگن.
انسان حقلری فعاللری اۉز بیاناتیده، افغانستان‌ده اۉقیش ایشیک‌لری طالبان تامانیدن قیزلر یوزیگه یاپیلگنیدن کېین، کۉپلب قیزلر آنلاین اۉقیش‌ده دوام بېره‌یاتکنلرینی اېسلب، وای فای انترنت کېسیب قۉییلیشی بیلن، قیزلردن بو اۉقیش امکانیتی هم آلینگنینی معلوم قیلدی.
شونینگدېک انسان حقلری فعاللری، انترنت کېسیب قۉییلیشی افغانستان‌ده تورلی کسب ساحه‌لریده هم سلبی تاثیر قۉییشی تاکیدلنگن.
انسان حقلری فعاللری بیرلشکن ملتلری تشکیلاتی، انسان حقلری کېنگشی، خلق‌ارا مخابرات بیرلشمه‌سی و ایرکین یېتکیرمه‌لردن بو خصوصده، افغانستان خلقی سیسی بۉلیشینی سۉره‌گن.
