طالبان مالیه وزیرلیگی بوگون پنجشنبه ۲۷ – سنبله بیر بیانات نشر قیلیب اعلام قیلیشیچه، جاری ییل نینگ دستلبکی بیش آیی دوامی‌ده، افغانستان‌دن صادر اېتیلگن توارلر همده مملکت چیگره‌لریدن ترانزیت اېتیلگن یوک‌لر حجمی آشگن.
بو وزیرلیک تامانیدن نشر اېتیلگن معلومات‌نی بیلدیریشیچه، جاری قویاش ییلی بیش آیی دوامی‌ده، ۴۸ مینگ و ۹۲۸ یوک جونتمه‌سی صادر قیلینگن که بو رقم اۉتگن ییل عینی زمان‌گه نسبتن، ۱۳.۵ فایز آشگنینی کۉرسه‌تَدی.
عینی حالده طالبان مالیه وزیرلیگی، اۉتگن بیش آی دوامی‌ده مملکت چیگره‌لریدن ۱۳ مینگ و ۱۹۸ یوک جونتمه‌سی ترانزیت اېتیلگنیدن هم خبر بېردی.
بو وزیرلیک ترانزیت حجمی هم اۉتگن ییل‌نینگ دستلبکی بیش آیی‌گه نسبتن، ۲۴.۵ فایز کۉپه‌یگنینی معلوم قیلدی.
طالبان ادعاسی‌گه کۉره، مملکت چیگره‌لریده یره‌تیلگن قوله‌یلیکلر سبب‌لی صادرات توارلری و ترانزیت یوکلری حجمی آشگن.
