اۉزبېکستان تشقی ایشلر وزیری بختیار سعیدوف، بوگون پنجشنبه ۲۷ – سنبله، اۉزی نینگ ایکس صحیفه‌سیده یازگن بیاناتیده، آلمان تشقی ایشلر وزیری یوهان واده‌فول بیلن تلیفونی صحبت اۉتکزگنیدن خبر بېردی.
بختیار سعیدوف‌گه کۉره، اوشبو ملاقات‌ده ایکی تامانلمه مناسبت‌لر و تورلی ساحه‌لرده‌گی همکارلیکلر کینگه‌یشی یوزه‌سیدن فکر المشتیریلگن.
اۉزبېکستان و آلمان تشقی ایشلر وزیرلری، بو ایکی مملکت آره‌سیده‌گی مناسبت‌لر رواجلنیب باره‌یاتکنیدن خرسندچیلیک بیلدیرگن.
عینی حالده آلمان و اۉزبېکستان تشقی ایشلر وزیرلری، ایکی مملکت وکیللری آره‌سیده تدبیرلر اۉتکزیلیشی خصوصیده هم فکر المشتیرگن.
اۉزبېکستان تشقی ایشلر وزیری، بو مملکت آلمان بیلن مناسبت‌لرینی کینگه‌یتیریشگه قیزیققنینی هم معلوم قیلدی.
