امریکا جمهور باشلیغی دونالد ترامپ‌نینگ «بگرام حربی قونلغه‌سی» خصوصیده‌گی ینگی بیانات‌لری، کینگ مناسبت‌لرگه سبب بۉلماقده دیر.
دونالد ترامپ بو حقده تیلگه آلگن بیانات‌لریده، امریکا قوشمه ایالتلری بیر معامله اساسیده بگران قونلغه‌سیگه قیتیش اوچون اولگوریب تورگنینی معلوم قیلگن.
عینی حالده، طالبان‌نینگ ذاکر جلالی ناملی اعضاسی هم اۉزی‌نینگ ایکس صحیفه‌سیده یازگن بیاناتیده، بو مساله‌گه اشاره قیلیب، ترامپ بیر سوداگر و بگرام قونلغه‌سی خصوصیده معامله قیلماقده دېب اعلام قیلگن.
دېیرلی ترامپ‌نینگ بو سۉزلری کینگ مناسبت‌لرنی هم اۉرته‌گه آلیب کېلماقده دیر.
افغانستان سابق سیاسی سیمالری‌دن عبدالملک شمس اۉزی‌نینگ ایکس صحیفه‌سیده یازگن بیاناتیده، طالبان و ترامپ بو مساله خصوصیده معامله قیلیش‌لری ممکن‌لیگیدن اَیتگن.
جنرال عبدالملک‌نینگ یازیشیچه «امریکالیکلر دوحه‌ده بۉلگن بیر معامله اساسیده بگرام قونلغه‌سینی ترک اېتدی و حاضر کابلده یاشیرین بیر معامله آرقه‌لی بگرام‌گه قیته‌دیلر.»
افغانستان بو سابق سیماسی طالبان، اۉزلری‌گه امریکالیکلر، روسیه‌لیک و چینی‌لر بیلن هر قنده‌ی دوستلیک و معامله‌نی حلال بیله‌دی دېب تنقید قیلگن.
ایتیش کېره‌ک که دونالد ترامپ، بگرام قونلغه‌سی چین بیلن بۉلگن آز مسافه‌سی سبب، بو قونلغه‌گه قیتیش‌گه قیزیققنینی بیلدیرگن.
دیمک بگرام حدودیده جایله‌شگن قونلغه، افغانستانده‌گی مهم حربی مرکزلردن بیری دیر که اۉتگن ییللر دوامی‌ده، امریکا تامانیدن افغانستان‌ده حربی عملیات‌لر بو قونلغه‌دن باشقیریلگن.
