طالبان سۉزلاوچیسی ذبیح الله مجاهد، پاکستان حکومتی‌دن بو گروه بیلن بۉلگن قیینچیلیکلری‌گه سۉزلشوو آرقه‌لی ییچیم تاپیشینی تکلیف قیلگن.
طالبان سۉزلاوچیسی بو مساله‌نی، پاکستان خوفسیزلیک تدقیقات‌لر مرکزی بیلن اۉتکزگن صحبت‌لریده تیلگه آلدی.
مجاهدنینگ تاکیدلشیچه، پاکستان طالبان تحریکی یا ده «تی‌تی‌پی» بو مملکت ایچکی معماسی دیر و پاکستان حکومتی اونگه اۉزی چاره کۉریشی کېره‌ک دیر.
بو شوندی بیرحالده دیر که سونگی وقتلرده، تی‌تی‌پی گروهی‌نینگ پاکستان حربی‌لریگه قرشی هجوملری آشیشی بیلن، پاکستان حکومتی‌نینگ طالبان‌دن بۉلگن تنقیدی ینه‌ده کۉپه‌یگن.
بوندن ایلگری پاکستان باش وزیری شهباز شریف، طالبان‌نینگ تی‌تی‌پی دن بۉلگن حمایه‌سی دوام اېتگن تقدیرده، کابل و اسلام آباد مناسبت‌لری زیان کۉریشی‌دن آگاه‌لنتیرگن اېدی.
شونینگدېک پاکستان حکومتی یقین‌ده، اۉز ناراضلیگینی بو مملکت‌نینگ افغانستان بۉییچه مخصوص وکیلی محمدصادق خان آرقه‌لی طالبان‌گه یوباریشی هم اعلام قیلینگن.
