ایکی کون‌دن بیری افغانستان‌نینگ «بگرام قونلغه‌سی» خصوصیده مناسبت‌لر کینگه‌ییب جدی بحث‌لرگه سبب بۉلگن.
اوشبو بحث‌لر امریکا قوشمه ایالتلری‌نینگ جمهور باشلیغی دونالد ترامپ، بگرام قونلغه‌سیگه امریکا حربی‌لری قیتیشینی تاکیدلب، بو خصوصده طالبان بیلن معامله قیلیش‌نی تکلیف قیلگنیدن کېین باشلنگن.
ترامپ بو سۉزلری کینگ مناسبت‌لرگه سبب بۉلیب و بو مناسبت‌لر دوام اېتماقده دیر.
امریکا جمهور باشلیغی بگرام چین‌گه یقین بۉلگنی اوچون بو قونلغه‌گه قیتیش‌گه قیزیققنینی بیلدیردی و چین اېسه ترامپ بو سۉزلری‌گه مناسبت بیلدیریب، افغانستان‌ده امریکا حضورینی قبول قیلمس‌لیگینی اعلام قیلدی.
اوشبو مناسبت‌لر دوامی‌ده، پاکستان اېسه جیم‌لیک‌نی اۉزی‌گه اختیار قیلگن.
پاکستان تشقی ایشلر وزیرلیگینینگ سۉزلاوچیسی شفقت‌علی خان اۉتکزگن خبری بیر ییغین‌ده، بو خصوصده فکر بیلدیریشگه تیار بۉلمه‌دی.
پاکستان تشقی ایشلر وزیرلیگی بگرام مساله‌سی امریکا و افغانستان اۉرته‌سیده‌گی موضوع دېب، بو تۉغریده پاکستان‌نی مناسبتی یۉق دېب اعلام قیلدی.
