فاریاب ولایت اهالیسی و فعاللری اجتماعی صحیفه‌لرده یازگن بیاناتلریده، بو ولایتده‌گی «دهندره سوو توغانی» لایحه‌سی عملگه آشیریلیشینی طلب قیلگن.
بو حقده بیانات یازیب فکر بیلدیرگن فعاللر، دهندره سوو توغانی لایحه‌سی عملگه آشیریلیشی، فاریاب اهالیسی و بو ولایتده اقلیم اوزگریشی و سوو آزلیگی معماسی‌گه قرشی کوره‌ش اوچون اساسی مساله دېب بیلدیرماقده‌لر.
فاریاب اهالیسی بو ولایت مرکزی میمنه شهری و بو شهر اطرافیده‌گی حدودلر گواهی بۉلگن قورغاقچیلیک و سوو تنقیص‌لیگیدن اېسلب، دهندره سوو توغانی تیزلیک بیلن عملگه آشیریلیشینی سۉره‌یدیلر.
ایتیش کېره‌ک که دهندره سوو توغانی لایحه‌سی کۉپ ییللردن بیری عملگه آشیریلمه‌ی تورگن.
افغانستان سابق حکومتی هم تورلی بهانه‌لرنی کېلتیریب بو لایحه‌نی عملگه آشیرمه‌دی و حاضر اېسه طالبان هم فاریاب کۉپلب اهالیسی اوچون حیاتی بۉلگن بو لایحه خصوصیده اعتبار قرهتمهی کېلماقده.
