طالبان اقتصاد وزیرلیگی بیر بیانات نشر قیلیب، بو حاکمیت اقتصاد وزیری محمدحنیف کابلده جاپان ایلچیسی‌نینگ اۉرین باسری کیو ایزاوا بیلن اوچره‌شگنیدن خبر بېردی.
طالبان بو مقامی، کابل شهریده ایچیملیک سوو ییتکزیلیشی اوچون جاپان‌دن یاردم سۉره‌گن.
اقتصاد وزیرلیگی تامانیدن نشر اېتیلگن بیانات‌گه کۉره، بو حاکمیت انیق جاپان تامانیدن باشلنگن کابلگه سوو ییتکزیش لایحه‌سی ایشلری قیته باشلنیشینی سۉره‌گن.
دیمک مذکور لایحه ۲۴ میلیون دالر ارزشگه ایگه بۉلیب بوندن تۉرت ییل ایلگری، طالبان حاکمیت‌گه قیتگنیدن کېین تۉخته‌تیلگن اېکن.
طالبان شوندی بیرحالده کابلده سوو تنقیص‌لیگی معماسی خصوصیده یاردم سۉره‌شماقده دیر که سونگی ییللر کابل شهری اهالیسی بو وضعیت‌دن جدی زیان کۉرماقده دیر.
بیرلشکن ملتلر تشکیلاتی معلوماتی اساسیده، کابل کېله‌سی نیچه ییل ایچیده دنیانینگ ایلک سووسیز پایتختی‌گه اَیله‌نیشی ممکن دیر.
