فرانسه‌نینگ پاریس شهری بو کېچه فوتبال عالمی‌ده‌گی مهم مکافات‌لرنی تقدیم اېتیش مراسمی‌دن میزبان‌لیک قیلدی.
اوشبو احتفالده، جاری ییل‌نینگ آلتین توپ ساوریندای پاریسن جرمن فوتبال جماعه‌سی‌نینگ هجومچیسی فرانسه‌لیک عثمان دمبله بۉلدی.
عثمان دمبله بارسلونا فوتبال جماعه‌سی‌نینگ هجومچیسی ۱۸ یاشر اسپانیالیک یولدوز لامین یامال بیلن بۉلگن یقین رقابتده، بو ییل آلتین توپ ایگه‌سیگه اَیلندی.
عیاللر آلتین توپ‌نینگ نوبتده‌گی قهرمانی اېسه، بارسلونا عیاللر فوتبال جماعه‌سی اۉیینچیسی آیتانا بونماتی تانیلدی.
شونینگدېک بو احتفالده، فوتبال عالمی‌ده اینگ یخشی یاش اۉیینچی مکافاتی هم لامین یامال‌گه ییتیشدی و یخشی گولکیپر هم حاضر منچستر سیتی فوتبال جماعه‌سیده فوتبال قیلیب تورگن جان لوئیجی دوناروما تانیلدی.
فوتبال عالمی‌ده ییل‌نینگ اینگ یخشی مربی‌سی هم پاریسن ژرمن فوتبال جماعه‌سی مربی‌سی لوئیس انریکه تانیلدی و خاتین مربی‌لردن هم انگلیس عیاللر فوتبال جماعه‌سی مربی‌سی سارینا وایگ‌من ییل‌نینگ یخشی عیال مربی‌سی بۉلدی.
عینی حالده ییل‌نینگ اینگ یخشی فوتبال جماعه‌سی هم، فرانسه‌نینگ «پاریسن جرمن فوتبال جماعه‌سی» اعلام اېتیلدی.
